«Оқжетпес» ҚПЛ матчында «Жеңісті» жеңді

«Оқжетпес» өз алаңындағы басымдықты тиімді пайдаланып, ҚПЛ-дың 27-турында «Жеңісті» 3:1 есебімен жеңіп, үш ұпайға ие болды, деп хабарлайды Prosports.kz.

Көкшетаулық команда елордалық клубтан 3:1 есебімен басым түсті.

Жеңіс голдарын Леонардо Де Ассунсау, Дмитрий Бородин және Тоқтар Жаңылышбай соқты. Қонақтар бір ғана голмен жауап бере алды.

Чемпионаттағы кезекті жеңісінен кейін «Оқжетпес» ұпай санын 45-ке жеткізді. Көкшетаулық клуб турнир кестесінде төртінші орында тұр. Ал 32 ұпайы бар «Жеңіс» сегізінші сатыда орналасқан.

Келесі турда командалар әртүрлі қарсыластармен кездеседі. «Оқжетпес» Жезқазғанға барып, «Ұлытаумен» ойнаса, «Жеңіс» өз алаңында «Атырауды» қабылдайды.