Пьянич «Барселонаға» ауысу үшін ПСЖ, «Челси» мен «МЮ» ұсынысынан бас тартқан

«Барселона» «Ювентус» жартылай қорғаушысы Мирале Пьяничпен Туриннен Каталонияға ауысу туралы келісімге келді.

Босниялық футболшы испан клубымен төрт жылдық келісімшартқа қол қояды. Бұл туралы Mundo Deportivo хабарлайды.

«Барселонаға» ауысуға Пьяничтің өзі қызығып отыр. Ол ПСЖ, «Челси» мен «Манчестер Юнайтедтен» келген ұсыныстардан бас тартқан.

30 жастағы Пьянич осы маусымда Италия чемпионатында 22 матч өткізіп, 3 гол соғып, 4 нәтижелі пас берді.