«Көрерменсіз кездесу». Альварес Сондерспен жекпе-жек өткізуге дайын
Мексикалық боксшы Сауль Альварес британиялық Билли Джо Сондерспен жекпе-жек өткізуге дайын, кездесу көрерменсіз өтуі мүмкін, деп хабарлайды Prosports.kz тілшісі Vringe сайтына сілтеме жасап.
Британиялық басылым инсайдерлеріне сүйеніп, Канело күздің басында суперорта салмақта WBO чемпионымен жекпе-жек өткізуге келісімін бергенін хабарлады.
«Альварес қыркүйекте жабық есік түрінде жекпе-жек өткізуді қолдайды. Ол боксқа 100 пайызға берілген», - дейді инсайдер.
Қазіргі уақытта Golden Boy Promotions кездесудің өтетін орнын қарастырып жатыр.
