«Канело» жекпе-жегін көрерменсіз өткізуі мүмкін

Мексикалық боксшы Сауль Альварес келесі жекпе-жегін көрерменсіз өткізуі мүмкін, деп хабарлайды Prosports.kz сайты.

«Альварес шаршы алаңға оралғысы келсе көрерменсіз жекпе-жек өткізу туралы ойлануы керек. Бұл дегеніміз Golden Boy-ді Альварес әкелетін табыстан айырады», — деп жазды BoxingScene басылымы.

«Канело» қыркүйек айында шаршы алаңға оралуды көздеп отыр. Әзірге ол британиялық Билли Джо Сондерспен жұдырықтасады деп күтілуде. Ал Геннадий Головкинге қарсы жыл соңында жекпе-жек өткізуі мүмкін.