«Лос-Анджелес Лейкерс» командасының екі ойыншысы коронавирус инфекциясын жұқтырды

«Лос-Анджелес Лейкерс» командасының баспасөз қызметі командадағы екі ойыншының коронавирус инфекциясын жұқтырғанын айтты. Сонымен бірге клуб ауырғандардың атын атаудан бас тартты, деп хабарлайды Prosports.kz.

10 наурызда «Лейкерс» ҰБА-ның тұрақты маусымында «Бруклин Нетспен» кездесті. Кейіннен Нью-Йорк командасының төрт ойыншысы коронавирус жұқтырғаны белгілі болды. Олардың арасында лиганың үздік ойыншыларының бірі Кевин Дюрант та бар.

«Бруклин» ойыншыларының инфекциясы туралы ақпарат пайда болғаннан кейін, «Лейкерс» дәрігерлері баскетболшыларға тексеруден өтуге кеңес берді.