«Ердоған бәрін тартып алды». Түркияның атақты ойыншысы қайда жүр

Түркия ұлттық құрамасының бұрынғы ойыншысы Хакан Шүкір кәсіби мансабын аяқтағаннан кейін бірнеше жыл өткен соң, не істеп жүргенін айтты, деп хабарлайды Prosports.kz.

2016 жылы Шүкір әлеуметтік желілерде Түркия президенті Режеп Ердоғанды сынауына байланысты проблемаларға тап болды. Ол ислам қоғам қайраткері Фетхуллах Гүленмен байланысының арқасында террористік ұйымның мүшесі деп танылды. Осыдан кейін Хакан Сан-Францискоға кетуге мәжбүр болды, ол жерде кофе бизнесін ашты, бірақ оның орнына «бейтаныс адамдар» келе бастаған соң, оны полиция қамқорлығына алған, тіпті бұл істі FBI қолға алған көрінеді. Кейінірек экс-шабуылшы Вашингтонға көшіп, ол жерде такси жүргізушісі және кітап сатушысы болып жұмыс істеген.

«Қазір мен жұмысқа кірісіп жатырмын. Менің ештеңем қалмады. Ердоған бәрін тартып алды. Менің бостандығыма қауіп төнді, өз пікірімді білдіру мүмкін болмай қалды және жұмыс істеу құқығымнан айырылдым», - дейді Шүкір

Еске сала кетелік, Хакан Шүкір - Түркия құрамасы тарихындағы ең үздік сұрмерген, оның еншісінде 51 гол бар. 1987-2008 жылдар аралығындағы мансабында «Сакарияспор», «Бурсаспор», «Галатасарай», «Торино», «Интер», «Парма» және «Блэкберн» клубтарында ойнады. 2002 жылы футболдан әлем чемпионатында қола жүлдегер атанған.