Жан Паскаль чемпиондық белбеулерін қорғап қалды

Америкада канадалық боксшы Жан Паскаль мен швециялық боксшы Баду Джек арасындағы жекпе-жек өтті, деп хабарлайды  Prosports.kz

Аталған кездесуде канадалық WBC Silver және WBA Regular чемпиондық белбеулерін қорғаған болатын.

Жекпе-жек толық 12 раундтан тұрды. Екі боксшы да бір-бірін нокдаунға жіберіп үлгерді. Сол үшін де төрешілерге шешім шығапу оңайға соққан жоқ. Ақырында төрешілердің басым дауысымен Жан Паскаль жеңіске жетті. Екі төреші 114-112 есебімен жеңісті канадалыққа берсе, үшінші төреші дәл сондай есеппен швециялықтың пайдасына берген. <br />Осылайша Жан Паскаль  өзінің чемпиондық белбеулерін сақтап қалды.