Садриддин Ахмедовтың келесі жекпе-жегінің анонсы жарияланды

Eye of the Tiger Management промоутерлік компаниясы қазақстандық кәсіпқой боксшы Садриддин Ахмедовтың (10-0, 9 КО) келесі жекпе-жегінің анонсын жариялады, деп жазады Prosports.kz.

Компания өзінің Инстаграм парақшасында WBC нұсқасы бойынша жастар арасындағы әлем чемпионының жекпе-жегіне арналған сурет жариялады.

Айта кетейік, «Қазақ сарбазы» 7 желтоқсан күні Монреалда аргентиналық Хосе Антонио Виллалобоспен (12-5-2, 7 КО) жұдырықтасады. Аталған бокс кешінің басты жекпе-жегі Давид Льеме мен Макс Бурсак арасында өтеді. Ахметовтың жекпе-жегін «Хабар» телеарнасы тікелей эфирде көрсетеді.