«Сибирь» - «Барыс» матчының тікелей көрсетілімі

Бүгін Новосибирскіде жергілікті «Сибирь» КХЛ тұрақты маусымы аясында елордалық «Барыспен» кездеседі, деп хабарлайды Prosports.kz.

«Сибирь» командасының соңғы ойындардағы нәтижелері жақсы. Ресейлік ұжым өз үйінде «Динамо М» (1:0) және «Нефтехимиктен» (4:2) басым түсті.

«Барыс» туралы айтатын болсақ, Андрей Скабелка командасы «Салават Юлаевті» тізе бүктірді(2:1). «Северстальды» 5:1 есебімен тас-талқан етті.

Қазақстандық команда үшін кезекті матч Нұр сұлтан уақытымен 18:30-да басталады. Матчтың тікелей трансляциясы QazSport телеарнасында қол жетімді болады.