Қазақстан - Франция матчына швециялықтар төрелік етеді

Әйелдер арасында өтетін 2021 жылғы Еуропа чемпионатының іріктеу кезеңіндегі  Қазақстан мен Франция құрамалары арасындағы матчқа швециялық төрешілер тобы төрелік ететін болды, деп хабарлайды Prosports.kz ҚФФ баспасөз қызметіне сілтеме жасап.  

Кездесудің бас төрешісі болып Лаура Рапп тағайындалды. Оған  Юлия Магнуссон пен Йилан Тахер көмектеседі. Қосалқы төреші – Сара Перссон. Бұлардың барлығы - швециялық төрешілер.

Еске сала кетелік, Қазақстан – Франция матчы Шымкенттегі Қажымұқан Мұңайтпасов атындағы стадионда өтеді. Ойынды Qazsport арнасы 20.50-де тікелей эфирден көрсетеді.