Головкиннің бапкері: Екі жігіт рингке төбелесуге шығады

Қазақстандық боксшы Геннадий Головкиннің (39-1-1, 35 КО) бапкері Джонатон Бэнкс IBF нұсқасы бойынша орта салмақтағы әлем чемпионы атағы үшін украиналық былғары қолғап шебері Сергей Деревянченкомен (13-1, 10 КО) болатын жекпе-жек туралы пікір білдірді, деп хабарлайды Prosports.kz.

«Бұл бір қиын да аяусыз жекпе-жек, бірақ менің ойымша, Нью-Йорк, қала берді «Гарден» тамаша айқастың куәсі болады. Бокс фанаттарына да ұнайды деп сенемін. Екі жігіт те рингке төбелесу үшін шығады және екеуі де дайын, – деді Бэнкс промоутер Том  Леффлермен болған қысқа әңгіме барысында.