Головкин келесі жекпе-жегіне дайындықты бастады
Қазақстанның және әлемнің спорт жаңалықтарына жазылыңызҚазақстандық кәсіпқой боксшы Геннадий Головкин кезекті жекпе-жегіне дайындықты бастады, деп хабарлайды Prosports.kz.
Бұл туралы GGG Instagram желісіндегі жеке парақшасында жазды.
Ол Джонатан Бэнкстің жетекшілігімен Калифорниядағы Big Bear-де жаттығу өткізді. Геннадиймен бірге, тағы бір қазақстандық боксшы Әли Ахмедов те жаттығуға қатысты.
«Демалыс аяқталды, жұмысқа қайта кірісетін уақыт келді», - деп жазды Геннадий Головкин.
Айта кетейік, Геннадий Головкин 5-ші қазан күні Нью-Йорктегі «Мэдисон Сквер Гарден» кешенінде Сергей Деревянченкомен кездеседі деп күтілуде.