«Астананың» Мальтадағы ойыны көрсетілмейді

Еуропа лигасының іріктеу раунды аясындағы «Валетта» - «Астана» қарымта матчы теледидардан көрсетілмейді, деп жазады Prosports.kz  клубтың баспасөз қызметіне сілтеме жасап.

Мальта телевизиясы да, «Валетта» клубы да бойынды тікелей таратуға қызығушылық танытқан жоқ. QAZSPORT арнасы мен «Астана» футбол клубы Мальтадан телесигнал алу үшін ұзақ уақыт келіссөздер жүргізіп, мальталық әріптестерінің телекөрсетілім жасайтынына соңына дейін үміттенген. Алайда, белгілі болғандай, ешқандай трансляция болмайды.