Ресейлік боксшы жекпе-жектен соң көз жұмды

Ресейлік боксшы Максим Дадашев АҚШ-та өткізген жекпе-жегінде алған жарақатының салдарынан көз жұмды, деп жазады Prosports.kz сайты.

Бұл туралы боксшының командасы мәлім етті. 28 жастағы спортшының жарақаттан жүрегі шыдас бермеген. Максим Дадашев пуэрторикалық Сабриэл Матиасқа қарсы жекпе-жектен соң есінен талып, дереу ауруханаға жеткізілген. Дәрігерлер боксшының миына қан кеткенін анықтап, оның халі ауыр екенін мәлімдеген болатын.

Бұған дейін 13 жекпе-жегінде қарсыласынан басым болған Максим Дадашев алғашқы жеңілісінен соң көз жұмды.