Жапон боксшысы Головкинмен жекпе-жек өткізуден дәмелі

Орта салмақтағы WBA «тұрақты» чемпионы Риота Мурата америкалық боксшы Роб Брантты жеңгеннен соң өз салмағында үздіктермен жұдырықтасуға дайын, деп хабарлайды Prosports.kz сайты. 

Жапон боксшысы 2018 жылы Лас-Вегаста өткен кеште Роб Бранттан ұтылып қалған боалтын. Арада жарты жыл өткенде сол кеткен есесін қайтарды. 

Boxingscene басылымының мәліметінше, Риота Мурата бұл жеңісінен соң орта салмақтың азулы боксшылары Сауль Альварес не Геннадий Головкинмен жекпе-жек өткізуден дәмелі. Егер «Канело» мен GGG күзде жекпе-жек өткізуге келісе алмаса, жапон боксшысы екеуінің біреуімен қолғап түйістіруге әзір екенін мәлімдеген.