Мбаппе «Реалға» 2020 жылы жазда ауысады

Франциялық шабуылшы Килиан Мбаппе «Реал Мадридке» 2020 жылы жазда ауысады, деп жазады Prosports.kz.

Шетелдік басылымының жазуынша, «Реал» 20 жастағы ойыншыны биыл сатып алғысы келгенімен, бұл мүмкін болмады. «Корольдік клуб» енді тағы бір жыл күтіп, 2020/21 жылғы маусым басталарда оны сатып алуға шындап кіріспек.

Бұған дейін, ПСЖ президенті Нассер Аль-Хелайфи футболшының командада қалатынын айтқан еді.

Айта кетейік, өткен маусымда шабуылшы 43 ойынға қатысып, 39 гол соқты және 17 нәтижелі пас берді.