Головкин: Мен дайынмын, «Канело»
Қазақстандық боксшы Геннадий Головкин канадалық Стив Роллсты жеңгеннен соң Сауль Альваресті жекпе-жекке шақырды.
«Барлық жанкүйерлеріме алғысымды айтқым келеді. Өзінің мықтылығын дәлелдеген қарсыласыма да рақметімді айтамын.
Мен оны толықтай зерттеп шықтым. Сосын бапкеріме оны осал тұсынан ұстайтынымды айттым. Оның соққылары әлсіз болғандай. Еш сезінбедім. Енді өзімнің нокауттарыма қайта оралдым.
Келесі жекпе-жегімде кіммен жұдырықтасқым келетінін бәрі біледі. «Канеломен» кездескім келеді. Қыркүйекте өткізуге дайынмын. Дайын екенімді «Канелоға» айтыңыздар. Бұл бизнес екенін бәрі жақсы түсінеді», - деді Головкин жекпе-жектен соң.
