«Реннің» президенті: Грандтардың бірімен ойнаймыз деп үміттенген едік

Франциялық «Реннің» президенті Оливье Летанг Еуропа лигасы К тобының фаворитін атады.

Бұл квартетте «Реннен» бөлек, қазақстандық «Астана», украиналық «Динамо» мен чехиялық «Яблонец» ойнайды.

«Еурокубокта тәжірибелі клубпен ойнағымыз келген. Грандтардың бірі түседі деп үміттенгенбіз. Біздің басты мақсатымыз – топтан шығу. Еурокубокта мұндай жетістік әлі қолымыздан келмеген еді. Бұл оңай болмайды, бірақ бар күшімізді саламыз.

Топтың фавориті кім? «Динамо». Бұл команда ұлы тарих пен еуропалық үлкен тәжірибеге ие», - деді Летанг France Football-ға берген сұқбатында.