Әбілхан Аманқұл Азия ойындарының жартылай финалында жұдырықтасады

Бокстан 75 келіге дейінгі салмақта жұдырықтасатын Әбілхан Аманқұл Азия ойындарының жартылай финалына өтті деп хабарлайды<span> </span>Olympic.kz.

Ширек финалдық бәсекеде Әбілхан тайпейлік боксшымен кездесіп, қарсыласын екі рет есеңгіретті. Жекпе-жек нәтижесі бойынша айқын басымдықпен жеңіске жеткен Әбілхан енді Азия ойындарының жартылай финалында жұдырықтасады.

Әбілханның келесі қарсыласы - үндістандық Викас Кришан.

Өкінішке қарай, 51 келіде ел намысын қорғаған Назым Қызайбай тайпейлік спортшыдан жеңіліп, Азия ойындарын аяқтады.

ФОТО: Сали Сабиров, Қазақстан ҰОК баспасөз қызметі