Шайбалы хоккейден Қазақстан кубогы Қарағандыда өтеді

Қарағандыда ерлер командалары арасында шайбалы хоккейден ҚР Кубогы өтеді, деп хабарлайды Propsorts.kz облыстың баспасөз қызметіне сілтеме жасап.

<span>Ойын 18 тамыз күні басталады және оған 10 команда қатысады.</span>

<span>«А» тобының командалары Қарағандыда ойнайды. Оның қатарында Көкшетаудың «Арлан» ХК, Рудныйдың «Горняк» ХК, Өскеменнің «Алтай-Торпедо» ХК, «Теміртау» ХК және петропавлдық «Құлагер» клубы бар. </span>

<span>«Б» тобына Астананың «Номад» ХК, Атыраудың «Бейбарыс» ХК, «Алматы» ХК, Павлодардың «Ертiс» ХК және «Астана» ХК енді. Бұл командалар Көкшетауда кездеседі. </span>

<span>Қарағандыда алғашқы ойын «Горняк» пен «Арлан» командалары арасында өтеді. Олар 18 тамыз сағат 14:00-де ойнайды. Осы күні мұз айдынына «Теміртау» мен «Алтай-Торпедо» командалары шығады. </span>

<span>19 тамыз 18:00-де жеңіс үшін «Горняк» пен «Құлагер» тартысты ойын көрсетеді. Ал 20 тамыз 15:00-де «Арлан» «Алтай-Торпедоға» қарсы ойнайды. 19:00-де «Теміртау» және «Құлагер» командалары күш сынасады. Сейсенбі, 21 тамыз «Теміртау» мен «Горняк» арасында ойын өтеді. Келесі күні, яғни 22 тамыз сағат 15:00-де «Арлан» және «Құлагер» командалары өзара мықтыны анықтайды. Ал 19:00-де жанкүйерлер «Алтай-Торпедо»-«Горняк» арасындағы ойынды тамашалайды.23 тамыз, бейсенбі 15:00-де «Құлагер» мен «Алтай-Торпедоның» арасында тартыс өтеді. 19:00-де «Теміртау» «Арланға» қарсы ойнайды. </span>

<span>Плей-офф та Қарағандыда 25 тамыз күні өтеді. 14:00-де 3-4 орындар үшін командалар бақ сынасады. 18:00-де 1 және 2 орындар жеңімпаздары анықталады. </span>