Джейкобс Головкиннен тартып алынған IBF белдігіне тартыспайды

Дэниель Джейкобс Геннадий Головкиннен алып қойылған IBF титулы үшін Сергей Деревянченкоға қарсы өтетін жекпе-жектен бас тартуы мүмкін, деп хабарлайды Prosports.kz тілшісі allboxing.ru-ға сілтеме жасап.

Бұл туралы боксшының промотуері Эдди Хирн мәлімдеді.

Эдди Хирн жекпе-жектің Джейкобспен келісімшарт жасасқан НВО телеарнасы арқылы көрсетілуін талап етіп отыр. Егер жекпе-жекті басқа телеарнада көрсетілсе, Джейкобс рингке шықпайтынын мәлімдеді. Ондайда IBF Деревянченкоға басқа қарсылас іздейді.

Естеріңізге сала кетейік, Халықаралық бокс федерациясы (IBF) қазақстандық боксшы Геннадий Головкинді әлем чемпионы атағынан айырған болатын.

Араға бір апта салып, IBF қаулысына сәйкес, бос тұрған титулға украиндық Сергей Деревянченко (12-0, 10 КО) мен америкалық экс-чемпион Дэниел Джейкобс (34-2, 29 КО) тартысатыны мәлім болған.