«Астана арландары» ақтық сынға жолдама алды
<span>Бүгін бүкіләлемдік бокс сериясының (WSB) сегізінші маусымында бақ сынап жатқан «Астана арландары» жартылай финалда «British Lionhearts» командасымен кездесті, деп хабарлайды prosports.kz сайты.</span>
<span>Атырау қаласында өткен кездесу 4:1 есебімен қазақстандықтардың пайдасына шешілді.</span>
<span>Бұл жартылай финалдық кезеңдегі «Astana Arlans» пен «British Lionhearts» командалары арасындағы қарымта кездесу болатын. Алғашқы кездесу Шеффилд қаласында өтіп, «Астана Арландары» 3:2 есебімен жеңіске жеткен еді.<br /></span>
<span>Бүгін </span><span>алғаш болып шаршы алаңға 52 келі салмақ дәрежесінде өнер көрсететін Сәкен Бибосынов пен Уилл Коули шығып, қонақ команданың боксшысы жеңіске жетті. </span><br /><br /><span>Ал екінші болып күш сынасқан Серік Теміржанов (60 келі) қарсыласы Калум Френчті 2:1 есебімен жеңіп, бүгінгі есеп теңестірді. </span>
<span>Одан кейін жұдырықтасқан Асланбек Шымбергенов қарсыласына еш мүмкіндік қалдырған жоқ. 3:0 есебімен Карл Фэйлді оңай ұтты.</span>
Төртінші болып шаршы алаңға шыққан <span>Бек Нұрмағамбет пен Лиридон Нуха (81 келі) жұбында да қазақстандықтың бәсі басым болды. Отандасымыз қарсыласын 3:0 есебімен жеңді.</span>
<span>Осылайша, «Астана арландары» уақытынан бұрын турнирдің финалына жолдама алды. Енді қалған бір жекпе-жек кездесу қорытындысына әсер ете алмайтын еді.</span>
<span>Ал соңғы жекпе-жекте ауыр салмақта өнер көрсететін Қамшыбек Қоңқабаев пен Дакрес Соломон қолғап түйістірді. Нәтижесінде Қамшыбек қарсыласын 3:0 есебімен жеңді. </span>
<span>Осылайша, қос кездесудің қорытынды есебі 7:3 болды. Қазақстандық клуб бүкіләлемдік бокс сериясының (WSB) сегізінші маусымының финалына шықты.</span>
Енді «Astana Arlans» клубының осы маусымдағы жорық жолына қысқаша тоқталып өтейік:
<span>Жеребе бойынша «Astana Arlans» Азия аймағындағы топта Қытай - «China Dragons», Үндістан -«Indian Tigers» және Ресей - «Patriot Boxing Team» құрамаларымен бір топқа түскен болатын. <br /></span><br /><span>Отандастармыз алғашқы кездесуін Қарағанды қаласында «Indian Tigers» командасына қарсы өткізіп, қарсыластарын 4:1 есебімен оңай ұтқан еді.<br /><br />Екінші кездесуінде ресейлік «Patriot Boxing Team» клубын Бурабайда қабылдап 5:0 есебімен жеңген. <br /><br />Ресейдің Санкт-Петербург қаласында өткен үшінші кездесуінде астаналықтар дәл сол қарсыласына дәл сондай есеппен есе жіберді.</span>
<span>Төртінші кездесуде астаналықтар Үндістан еліне қонаққа барып, жергілікті «Indian Tigers» клубын 2:3 есебімен жеңіп қайтты. </span>
<span>Бесінші кездесуінде қытайлық «China Dragons» командасын сырт алаңда 0:5 есебімен жеңген болатын. </span>
<span>Ал топтағы соңғы кездесуде Тараз қаласында тағы сол қытайлық «China Dragons» боксшыларын қабылдап, тағы да 5:0 есебімен жеңіске жеткен отандастарымыз жартылай финалға жолдама алған еді.</span>
<span>Ал жартылай финалдың алғашқы матчы Англияның Шеффилд қаласында өтіп, «Астана Арландары» 3:2 есебімен жеңіске жеткен еді.</span>