«Астана Арландары» 5:0 есебімен жеңіске жетті

Бүкіләлемдік бокс сериясы (WSB) аясында Қытайдың Гуйян қаласында қазақстандық «Astana Arlans» клубы мен жергілікті «China Dragons» командасы арасындағы кездесу аяқталды.

Бұл кездесуде қазақстандық команда 5:0 есебімен жеңіске жетті.

Кездесу басталмай тұрып Қазақстандық команда есепте алға шыққан.

91 келіге дейінгі салмақта қазақстандық команда намысын Антон Пинчук қорғау керек болған. Алайда оның қарсыласы кездесуге шығудан бас тартып жеңіс Антонға берілді.

Шаршы алаңға бірінші болып шыққан 49 келіге дейінгі салмақтағы Теміртас Жүсіпов қытайлық Куан Янгты оңай жеңіп есепті 2:0-ге жеткізді.

Қазақстан құрамасының мүшесі Ілияс Сүлейменов та қарсыласын оңай жеңді. Қытайлық Май Джиншеннің қазақстандыққа қарсы амалы болмай, жеңіліс тапты.

Одан кейін рингке көтерілген Бекдәулет Ибрагимов та Әбілхан Аманқұл да қарсыластарынан басым болды. Соңғысы қарсыласын техникалық нокаутпен жеңді.