«Astana Arlans» жаңа маусымды жеңіспен бастады
<span>Бүкіләлемдік бокс сериясының (WSB) сегізінші маусымында бақ сынап жатқан «Астана арландары» алғашқы кездесуін «Indian Tigers» командасына қарсы өткізіп, 4:1 есебімен жеңіске жетті, деп хабарлайды prosports.kz сайты.<br /></span><br /><span>Жеребе бойынша «Astana Arlans» Азия аймағындағы топта Қытай - «China Dragons», Үндістан және Ресей - «Patriot Boxing Team» құрамаларымен бір топқа түскен болатын.<br /></span><br /><span>Алғашқы кездесуін Қарағанды қаласында өткізген отандастарымыз маусымды сәтті бастап отыр. Осылайша, осы турнирдің үш дүркін чемпионы биыл да баптарында екенін көрсетті.<br /></span><br /><span>Бірінші болып шаршы алаңға шыққан Теміржанов Серік қарсыласы Дахья Анкушті ұпай санымен ұтты. Қос боксшы 60 келіге дейінгі салмақта белдесті. <br /></span><br /><span>Ал екінші жекпе-жекте 69 келі салмақта бокстасқан Құрамысов Бекболат та Үндістаннан келген қарсыласынан басым түсті. Кездесудің үшінші раундында Неги Дуриодхан Сингх қабағынан жарақат алып, кездесуді жалғастыра алмады.<br /></span><br /><span>Осы жеңісті жолды шаршы алаңға үшінші, төртінші болып шыққан боксшыларымыз да жалғастыра білді. 81 келіде Жарманов Нұрдәулет қарсыласы Ядав Бриешті жеңді. </span>
<span>Одан кейін аса ауыр салмақта бокстасқан Аманжолов Нұрсұлтан үндістандық Парвин Кумардан басым түсті.<br /></span><br /><span>Тек ең соңғы болып алаңға шыққан жеңіл салмақтағы (52kg) боксшымыз Балтабаев Ақниет қонақтардың бір жекпе-жекте жеңіске жетуіне мүмкіндік беріп алды. Бишт Кавиндер Сингх біздің Ақниеттен 2:1 есебімен басым түсті. </span>