Станимир Стойлов Әзірбайжан құрамасы туралы ойымен бөлісті

Қазақстан ұлттық құрамасының бас бапкері Станимир Стойлов Әзірбайжан командасы туралы пікірін айтты.

5 маусымда Астанада Қазақстан мен Әзірбайжан құрамалары жолдастық кездесу өткізеді.

«Қарсылас мықты, соңғы жылдарда әзірбайжандық футбол қатты дамып кетті. «Карабах» пен «Габала» еуропалық турнирлерде жақсы нәтиже көрсетіп, Чемпиондар лигасы мен Еуропа лигасының топтық кезеңдерінде ойнады. Сондай-ақ, Әзірбайжанда жаңа стадиондар мен футбол базалары салынып жатыр. Ол жақта футбол тез дамып келеді», - деді Стойлов Azerisport-қа берген сұқбатында.