«Канелоның арқасынан қағып, «енді мұны қайталама» деп айтады»

Жартылай орта салмақта WBA тұжырымы бойынша әлемнің бұрынғы чемпионы Брэндон Риостің пікірінше, Сауль Альварес допинг дауына қатысты жазаланбайды.

«Меніңше, Канелоның арқасынан қағып, «Бәрі дұрыс, бірақ мұны қайталама» деп айтады. Бірақ Головкиннің допинг-сынамасы оң нәтиже көрсететін болса, ол үшін жағдай қиын болар еді деп ойлаймын. Мұнда саясат көп. Менің әсерім бойынша, GGG бірінші жекпе-жекте жеңіске жетті. Бірақ олар тең есепті тіркеді. Енді екінші кездесудің қалай өтетінін көрейік», - деді Брэндон Риос Fighthub-қа берген сұқбатында.

Сондай-ақ, Риос бокстың таза болғанын қалайды.

«NSAC Канелоны жазалауы керек деп есептеймін. Сіздің қаншалықты атақты, қанша ақша тапқаныңыз маңызды емес. Бокстың таза болуы керек. Канелоның орнында танымал емес боксшы болса, оны бірден бокстан шеттетер еді. Альвареспен де солай істеу керек», - дейді Риос.