Калининнің голы – Премьер-лиганың екінші турының үздігі

Қазақстан кәсіпқой футбол лигасы (ҚКФЛ) Премьер-лиганың екінші тур үздік добын анықтау мақсатында жанкүйерлер арасында сауалнама жүргізді. 

Екінші турда соғылған 13 голдың 9 жанкүйерлер таңдауына ұсынылды. Сауалнамаға пенальтиден соғылған голдар мен «Қызыл-Жар СК» командасының қорғаушысы Георгий Попхадзенің автоголы кірмеді. 

Сауалнама ҚКФЛ ресми сайтында және Вконтакте әлеуметтік желісінің @pflkaz тобында жүрді. 

Сауалнама нәтижесі бойынша бірінші орынды павлодарлық «Ертістің» жартылай қорғаушысы Илья Калинин иеленді. Бұл голға 81,8% сауалнамаға қатысушылар дауыс берді. 

Премьер-лиганың екінші турының үздік үш голы қатарына келесі доптар кірді: 

1. Илья Калинин голы («Ертіс»-«Ақтөбе» 2:1) – 1129 дауыс 

2. Патрик Твумаси голы («Жетісу»-«Астана» 0:2) – 65 дауыс 

3.Алексей Щеткин («Жетісу»-«Астана» 0:2) және Уго Сильвейра («Қайрат»-«Атырау» 2:0) – 34 дауыстан 

Калининнің голы «Наурыз айының үздік голы» атағына үміткер болады. Наурыз айының соңында айдың үздік голы анықталады.

<iframe width="640" height="360" src="https://www.youtube.com/embed/CKa2n05yncM" frameborder="0" allow="autoplay; encrypted-media" allowfullscreen></iframe>