Венгрия – Қазақстан: Бірінші таймда біздің жігіттер басым түсті
<span>Венгрияның Будапешт қаласында өтіп жатқан Венгрия мен Қазақстан құрамалары арасындағы жолдастық кездесудің алғашқы таймы аяқталды.<br /></span><br /><span>Бірінші таймның қорытындысы бойынша Қазақстан футболшылары 1:3 есебімен жеңіп жатыр.<br /></span><br /><span>Ойынның алғашқы голын Қазақстан құрамасының ойыншысы Роман Муртазаев соқты. Алтыншы минутта Бауыржан Исламханның бұрыштамадан көтерген добын Роман сәтті түйіндей білді.</span>
Сырт алаңда алғаш болып гол соққан қазақстандықтар тізгін тартпай шабуылдап, 10-шы минутта есепті 0:2 ге жеткізді. Бұл жолы Тараз өңірінің талантты қос ойыншысы көзге түсті. <br /><br />Барша қазақ жолына үмітпен қарап отырған Еркебұлан Сейдахмет екі-үш ойыншының арасынан сытылып өтіп, жерлесі Бахтиер Зайнутдиновтың гол соғуына мүмкіндік жасады.<br /><br />Осыдан кейін ғана ес жинаған алаң иелері шабуылды күшейтіп, есеп айырмасын қысқартты. Ойынның 21-ші минутында Салаи гол соқты.<br /><br />Алайда, Станимир Стоиловтың бастауындағы Қазақстан ойыншылары бізді таңғалдыруын жалғастыра білді. Ұлттық құрамаға алғаш рет шақырту алған Еркебұлан Сейдахмет 39-шы минутта гол соқты. Оған голдық пасты Роман Муртазаев шығарып берді.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или