«Ордабасы» клубы жалақының кешіктірілуі туралы ақпаратты жоққа шығарды
«Ордабасы» футбол клубының баспасөз хатшысы Ихсан Кадыров клубтың қаржылық проблемалары туралы ақпаратты жоққа шығарды, деп хабарлайды Prosports.kz.<br /><br /><span>- Бізде ешқандай да жалақыны кешіктіру мәселесі болған жоқ . Мұндай қауесеттерді таратудың кімге керек болғанын білмейміз. Бірақ, бұлай істеу дұрыс емес. Журналистерден ақпаратты жарияламай тұрып, оның шын-өтірігін тексерулерін сұраймыз.<br /></span><br /><span>Осыдан сәл бұрын бұқаралық ақпарат құралдарында, «Ордабасы» клубы ойыншыларға, жаттықтырушылар штабына және клубтың басқа қызметкерлеріне екі ай бойы жалақы төлемеді деген ақпарат тараған болатын.<br /></span><br /><span>Естеріңізде болса, бұндай жағдай өткен маусымда да орын алған еді. Ол кезде ойыншылар 4 ай бойы жалақыларын ала алмағандықтан, жаттығудан бас тартқан еді. Осыдан кейін ғана клуб басшылығы футболшыларға қарызын қайтаруға уәде берген болатын. Әрі өткен жылдың соңына қарай ойыншылар алдындағы қарыздар қайтарыла бастаған.</span>