«Patriot Boxing Team» - «Astana Arlans» кездесуінің жеңімпазы анықталды
Қазақстанның және әлемнің спорт жаңалықтарына жазылыңызБүкіләлемдік бокс сериясының (WBS) сегізінші маусымында бақ сынап жатқан «Астана арландары» жаңа маусымдағы үшінші кездесуін «Patriot Boxing Team» командасына қарсы өткізіп жатыр, деп хабарлайды prosports.kz сайты.
Алғашқы болып бокстасқан 52 келі салмақта өнер көрсететін Павел Гунченко мен Сәкен Бибоссынов жұбында отандасымыз жеңіліп қалды.
Одан кейін шаршы алаңға шыққан Серік Теміржанов (60 келі) та ресейлік Абубакар Айдамировтан айласын асыра алмады.
Ал 69 келіге дейінгі салмақта жұдырықтасқан Павел Сосулин - Бекзод Халметов жұбында да төрешілер ресейліктің қолын көтерді. Бекзод барын салғанымен команданы жеңілістен құтқара алмады.
Осылайша, «Patriot Boxing Team» командасы өз алаңында «Astana Arlans» бокс клубын жеңді. Енді қалған қос жекпе-жектің кездесу нәтижесіне әсері тимейді.
