«Арсенал» қысқы трансферде шабуыл шебін күшейтпек

Лондондық «Арсенал» қысқы трансферлік науқанға дайындалып, шабуыл шебіне жаңа ойыншылар қосуды жоспарлап отыр, деп хабарлайды Prosports.kz.

Caught Offside мәліметінше, клуб басшылығы қазір сол қанатқа футболшы іздеуге басымдық беріп отыр. Сонымен қатар орталық шабуылшы алу нұсқасы да қарастырылуда.

«Зеңбірекшілердің» негізгі үміткерлерінің бірі ретінде Антонио Нуса аталып отыр. Германияның «РБ Лейпциг» клубында ойнайтын норвегиялық вингер жазғы трансферлік кезеңде де лондондық клубтың қызығушылығына түскен. Енді «Арсенал» оның кандидатурасына қайта оралуы мүмкін.

Клубтың қысқа тізімінде шабуыл шебінің басқа да ойыншылары бар. Қанаттағы позицияны күшейту үшін «Ювентус» ойыншысы Кенан Йылдыз бен мадридтік «Реалдың» жартылай қорғаушысы Арда Гюлер қарастырылып жатыр.

Ал егер лондондық клуб орталық шабуылшы алуды шешсе, «Атлетико» ойыншысы Хулиан Альварес пен «Борнмут» шабуылшысы Эли Крупи үміткерлер қатарында.

Осылайша, «Арсеналдың» қаңтар айындағы басты мақсаты — шабуыл шебін күшейту. Қазіргі таңда клуб сол қанатқа футболшы алуға басымдық беріп отыр.