Усман Нурмагомедов Умардың UFC-ге қашан оралуы мүмкін екенін айтты
Тамыз айында Шанхайда өткен жекпе-жек Умар Нурмагомедов үшін әзірге соңғысы болды. Ресейлік спортшы UFC Fight Night 286 турнирінде Сонг Ядонгпен кездесіп, жекпе-жекті жеңіспен аяқтай алмады, деп хабарлайды Prosports.kz.
Қазір Нурмагомедов медициналық тексеруден өтіп үлгерді. Оның ағасы Усманның айтуынша, тексеру нәтижелері ауыр жарақаттың жоқ екенін көрсеткен. Сондықтан денсаулығына байланысты оның келесі жекпе-жегін өткізуіне кедергі жоқ.
«Умар барлық анализдерін тапсырды, тексеруден өтті. Қазір жағдайы жақсы, ауыр жарақаты жоқ. Меніңше, Рамазанға дейін жекпе-жек өткізсе, жақсы болар еді. Кімге қарсы шығатынын білмеймін, кез келген файтермен кездессе болады. Денсаулығы оған мүмкіндік беріп тұр», — деді Нурмагомедов Камил Гаджиевке берген сұхбатында.
Осылайша, Умардың келесі жекпе-жегі теориялық тұрғыда Рамазан айына дейін өтуі мүмкін. Алайда қарсыласының кім болатыны әзірге белгісіз. Усманның айтуынша, ағасына қолжетімді кез келген қарсыласпен жекпе-жек өткізуге болады.
Умар Нурмагомедов UFC-де 2021 жылдан бері өнер көрсетіп келеді. Тамыз айында ол кәсіби мансабында алғаш рет нокаутпен жеңілді