Қазақстандық футболшы ҚПЛ мен Беларусь чемпионатын салыстырды
Беларусьтің «Нафтан» клубында ойнайтын қазақстандық жартылай қорғаушы Вадим Яковлев Беларусь чемпионаты мен ҚПЛ деңгейін салыстырды, деп хабарлайды Prosports.kz.
Футболшының айтуынша, екі чемпионат бір-біріне ұқсас. Алайда қазіргі таңда Қазақстан чемпионаты сәл мықтырақ көрінеді.
Яковлевтің сөзінше, ҚПЛ-де барлық команда жоғары орын үшін күреседі және әр матчта жеңіске ұмтылады. Сонымен қатар ол екі лиганың да өзіндік ерекшелігі бар бәсекелі чемпионат екенін атап өтті.
22 жастағы сол қаптал ойыншысы Беларусьтің «Нафтан» клубына 2026 жылдың ақпанында «Атыраудан» ауысқан.
Осы маусымда Беларусь Жоғары лигасында сегіз матч өткізді.
Айта кетейік, Вадим Яковлев Қазақстан футболы тарихындағы ең жас U21 құрамасы ойыншысы саналады. Ол 2019 жылы Израильге қарсы матчта 16 жас, 1 ай, 12 күнінде алаңға шыққан еді.
Transfermarkt порталы футболшыны 100 мың еуроға бағалап отыр.