ӘЧ-2026 жүлде қоры артты

2026 жылғы футболдан әлем чемпионатына қатысатын елдерге берілетін жүлде қоры 15 пайызға артты, деп хабарлайды Prosports.kz.

ФИФА кеңесінің шешімімен турнирдің жалпы жүлде қоры 871 миллион долларға дейін ұлғайтылды. Бұған дейін 727 миллион доллар көлемінде бекітілген еді.

Ұйым өкілдерінің айтуынша, бұл шешім турнирдің коммерциялық табысты өтуіне байланысты қабылданған.

Сондай-ақ кейбір құрамалар салық пен командалық шығындарға байланысты қаржылық қиындықтарға тап болуы мүмкін екені айтылған.