Рыбакина Штутгартта чемпион атанды
Әлемнің екінші ракеткасы Елена Рыбакина Штутгартта өткен WTA 500 турнирінің жеңімпазы атанды, деп хабарлайды Prosports.kz.
Финалда ол әлемнің 12-ракеткасы Каролина Мухованы 7:5, 6:1 есебімен жеңді. Матч 1 сағат 19 минутқа созылды.
Ойын барысында Рыбакина үш эйс жасап, бірде-бір қос қателік жібермеді және сегіз брейк-пойнттың төртеуін пайдаланды. Ал қарсыласы бір эйс тіркеп, брейк мүмкіндігінің тек біреуін ғана жүзеге асырды.
Бұл жеңіс үшін қазақстандық теннисші лимон түсті Porsche 911 Carrera S автокөлігін иеленді. Бұған дейін ол осы турнирде Porsche Taycan 4S Sport Turismo ұтып алған болатын.
Аталған титул Рыбакина үшін мансабындағы 13-ші, ал 2026 жылғы маусымдағы екінші жеңіс болды. Бұған дейін ол биыл Аустралия ашық чемпионатында да топ жарған еді.