Қазақстан құрамасы әлем чемпионатына дайындықты күшейтіп жатыр
Қазақстан хоккей құрамасының шабуылшысы Евгений Рымарев ұлттық команда сапына қайта қосылуы ықтимал, деп хабарлайды Prosports.kz.
Мәліметке сәйкес, тәжірибелі форвард жақын күндері Польшадағы оқу-жаттығу жиынына келуі мүмкін.
Қазір 37 жастағы хоккейші Словакияның «19 Гуменне» клубында өнер көрсетіп жүр. Биылғы маусымда ол жоғары нәтижемен көзге түсіп, тұрақты чемпионатта, плей-оффта және өтпелі турнирде бірқатар ұпай жинады.
Қазақстан құрамасы 2-8 мамыр аралығында Польшаның Сосновец қаласында өтетін әлем чемпионатының бірінші дивизионында сынға түседі.
Айта кетелік, команда элиталық дивизион жолдамасы үшін Франция, Украина, Польша, Жапония және Литва құрамаларымен бәсекеге түседі.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или