Мадридтік «Реал» өз алаңында «Сельтаны» ұтты
Астана уақыты бойынша қаңтардың 16-нан 17-не қараған түні Мадридтегі «Сантьяго Бернабеу» стадионында «Реал» мен «Сельта» арасындағы Испания кубогының 1/8 финалдық ойыны аяқталды. Мадридтік клуб қосымша уақытта 5:2 есебімен жеңіске жетіп, турнирдің ширек финалына шықты.
37-минутта «Реалдың» француз шабуылшысы Килиан Мбаппе есеп ашты. 48-минутта бразилиялық Винисиус Жуниор корольдік клубтың есепті еселеді. 83-минутта галисиялықтардың ивуарлық шабуылшысы Джонатан Бамба «Сельтаның» бірінші голын соқса, 90+1-минутта қонақтардың қорғаушысы Маркос Алонсо пенальтиді голға айналдырып, есеп теңестірді.
Қосымша уақыттың бірінші бөлігінде гол соғылмады, бірақ соңғы 15 минутта «Реал» бразилиялық шабуылшы Эндриктің дублі (108 және 119 минуттардағы голдар) мен жартылай қорғаушы Федерико Вальверденің 112-минутта соққан голының арқасында жеңісті жұлып алды.