Амирхон Алихуджаев OCTAGON 68 турнирінде 40 жекпе-жек өткізген файтермен кездеседі
Еуразиялық жекпе-жек лигасы 2024 жылғы соңғы турнир - OCTAGON 68 аясында өтетін кезекті жекпе-жекті жариялады, деп хабарлайды Prosports.kz.
Өзбекстандық танымал файтер «Қоқан арыстаны» лақап аты бар Амирхон Алихуджаев (11-4) бразилиялық Элисмар Лимамен (30-12) кездеседі. Жеңіл салмақтағы жекпе-жек 29 желтоқсанда Ташкентте өтеді.
Алихуджаев жеңіл салмақтағы рейтингте екінші орында тұр, чемпиондық титул оның отандасы Достон Бозоровқа (11-1) тиесілі.
Сондай-ақ Өзбекстан астанасындағы турнирге танымал жергілікті нокаутшы Шохасан Мирзаматов, ұйымның орта салмақтағы экс-чемпионы Ислом Балтаев, жеңіл салмақтағы рейтингте бірінші орында тұрған Сухроббек Атажанов, танымал тәжікстандық файтер Камиль Каратэ және т.б. спортшылар қатысады.
OCTAGON 68 турнирінің басты жекпе-жегінде ең жеңіл салмақтағы чемпион, өзбекстандық Анвар Абдуллаев (8-0) пен әзербайжандық уақытша белбеу иегері Фарид Алибабазаде (13-7) кездеседі.
Алдағы турнирге билетті ticket.uz сайтынан сатып алуға болады
Турнирдің бас серіктесі - UNDERDOG спорт агенттігі
OCTAGON лигасының бас серіктесі - 1XBET букмекерлік компаниясы