«Астана» баскетбол клубы тағы да жеңілді
«Астана» баскетбол клубы тағы да жеңілді, деп хабарлайды Prosports.kz
«Астана» командасы бүгін ВТБ Біріккен лигасы аясында Саратовтың «Автодор» командасына қонаққа барды.
Бірінші кезеңде қазақстандық команда аз ғана айырмашылықпен алға шыққан болатын. Алайда, екінші және үшінші кезеңдерде «Автодор» өз басымдығын көрсетіп, жеңісті иеленді. Соңғы кезеңде астаналық ұжым ойынға қайта серпіліс беріп, жеңіске жеткенімен, бұл бес ұпайлық артықшылық жалпы есептегі жеңіс үшін жеткіліксіз болды.
Осылайша, «Автодор» командасы өз алаңында 88:81 (17:18, 24:17, 23:17, 24:29) есебімен жеңіске жетті.
Бұл маусымда қазақстандық команда әлі жеңіске жетпеді, сондықтан турнирлік кестеде соңғы, 12-орында тұр. Келесі кездесуін елордалық клуб 4 қараша күні «Уралмашқа» қарсы өткізеді.