Головкин Қазақстан Олимпиада құрамасының Президентпен кездесуіне қатысты пікір білдірді

Қазақстан Республикасы Ұлттық Олимпиада комитетінің басшысы Геннадий Головкин ҚР Президенті Қасым-Жомарт Тоқаевпен кездесуге қатысты пікір білдірді. Онда 2024 жылғы Олимпиадаға қатысатын ұлттық спортшыларға мемлекеттік ту тапсырылған еді, деп хабарлайды Prosports.kz.

«Олимпиада ойындарына қатысатын Қазақстан құрама командасының мүшелеріне Мемлекеттік туды салтанатты түрде табыстау рәсімі. Біздің туымыз биікте желбірей берсін! Жақында көрісеміз, Париж!», — деп жазды Головкин Инстаграм парақшасында.

Еске салайық, бүгін Қазақстан Республикасының Президенті Қасым-Жомарт Тоқаев Париж Олимпиадасына қатысатын ұлттық құраманы қабылдап, ел байрағын құрама ту ұстаушыларына тапсырған болатын.

Париждегі жазғы Олимпиада ойындары 26 шілде мен 11 тамыз аралығында өтеді.