Фьюри мен Усиктің қатысуымен өтетін турнир шегерілді

Сауд Арабиясында бокстан өтетін турнир кейінге шегерілді, кештің басты жекпе-жегінде ұлыбританиялық Тайсон Фьюри мен украиналық Александр Усик арасындағы кездесуі керек еді, деп хабарлайдыProsports.kzтілшісі «Матч ТВ» сайтына сілтеме жасап.

Бұл туралы инвестор Турки Әл аш Шейх әлеуметтік желіде хабарлады.

Бұған дейін ауыр салмақтағы абсолют әлем чемпионы атағы үшін Фьюри мен Усик арасындағы жекпе-жек ұлыбританиялық спортшының жарақатына байланысты шегерілгені белгілі болды. Спарринг кезінде Фьюри оң көзінің үстінде жарақат алған. Жекпе-жек 17 ақпанда Сауд Арабиясында өтуі керек еді.

— Riyadh Season компаниясы осы көптен күткен турнирдің шегерілгенін хабарлайды. Бокс кеші басқа күні өтеді, жанкүйерлер билеттерінің ақшасын қайтара алады.

Жақын арада медициналық комиссия Фьюридің жағдайын бағалайды, содан кейін біз Тайсонның оралу уақытын білеміз, - деп жазды аш Шейх мәлімдемеде.

Фьюри кәсіпқой рингте жеңіліп көрмеген, ол 34 жеңіске жетті (24-нокаутпен), тағы бір жекпе-жек тең аяқталды. Усик еншісінде 21 жеңіс (14-нокаутпен).