Зелиньски «Интермен» төрт жылдық келісімшарт жасасады
Жартылай қорғаушы Петр Зелиньскидің еркін агент ретінде «Интерге» ауысқаннан кейін келісімшартының егжей-тегжейлері белгілі болды, деп хабарлайды Prosports.kz.
La Gazzetta dello Sport басылымының мәліметінше, 29 жастағы польшалық футболшы миландық клубпен салықты төлегеннен кейін 4,5 миллион еуро жалақы алатын 4 жылдық келісімшарт жасасады. Тағы 500 мың еуро бонус ретінде беріледі.
Бұған дейін «Наполи» футболшыны Чемпиондар лигасының плей-офф кезеңіне қатысатын футболшылар өтініміне енгізбегені белгілі болған.
Осы маусымда Зелиньски клуб сапында 26 матч өткізіп, 3 гол соғып, 3 нәтижелі пас берді.
