19 жастағы қазақстандық ойыншы шетел клубына ауысты

19 жастағы қазақстандық жартылай қорғаушы Мирас Көбеев беларусьтік «Ислочь» клубына ауысты, деп хабарлайды Prosports.kz.

19 жастағы жартылай қорғаушы алматылық «Қайраттың» түлегі. Көбеев Қазақстан Бірінші лигасында өнер көрсететін «Қайрат-Жастар» командасының вице-капитаны болған. Бірінші лигада 40 матчқа қатысып, 2 гол соқты және 4 нәтижелі пас берді. 2021 жылдың күзінде ол УЕФА жастар лигасына қатысты.

Мирас негізгі команда сапында Қазақстан кубогының үш ойынына қатысқан.

Қазақстан жасөспірімдер (U-17) және жастар (U-19) құрамаларына шақырылды.