Сабина Алтынбекова бір жыл бойы Токиода жаттығатын болды

<p style="text-align: justify;"> <strong>Сабина Алтынбекова Токионың GSS Sunbeams волейбол клубымен келісімшартқа отырды. Қазақстандық бапкерлер спортшы қызды Жапонияда бір жылдық жаттығуға жіберіпті. Одан келген соң Сабина Алтынбекова Қазақстанның ұлттық құрамасына алынуы мүмкін.</strong></p> <p style="text-align: justify;"> &nbsp;&laquo;Сабина (Алтынбекова &ndash; ескерту) бір айдан бері Жапонияда жаттығып жатыр. Ол бір жылға келісімшартқа отырды, аяқталған соң Қазақстанға қайта оралады. Ол Қазақстанның құрамасына алыну үшін машығын шыңдауға кетті&raquo;, - деді спортшының бапкері Николай Дьяченко.</p> <p style="text-align: justify;"> Қазақстанның волейбол федерациясы да Алтынбекованың Токионың екінші лига клубына кеткенін растады. Онда бұл шешімді волейболшы қыздың біліктілігін жоғарылату қажеттілігінен туындады деп түсіндірді.&nbsp;</p> <p style="text-align: justify;"> &laquo;Келісімшарт бір жылға бекітілді. Бұл ол үшін белгілі бір тағлымдамадан өту сияқты. Ол жаттығып, екінші лигадағы GSS Sunbeams клубы үшін өнер көрсететін болады. Сондай-ақ шартта жарнамалық бап бар, яғни ол жақта Сабинаны қазақстандық волейболшы деп таныстыратын болады&raquo;, - деп нақтылады Қазақстан волейбол федерациясының бас хатшысы Ермек Сырлыбаев. &nbsp;</p> <p style="text-align: justify;"> BNews.kz материалы бойынша</p>