Техникалық жеңіс. Бексұлтан Қайратұлы Азия чемпионы атанды
Қазақстандық Бексұлтан Қайратұлы бокстан жасөспірімдер арасында Астанада өтіп жатқан Азия чемпионатының жеңімпазы атады, деп хабарлайды Prosports.kz.
Ол ауыр салмақта (80 келіден жоғары) финалда үндістандық Хемант Сангванмен жұдырықтасты. Жекпе-жекте Қайратұлы мерзімінен бұрын жеңіске жетті. Екінші раундтың соңында қазақстандық боксшы қарсыласын нокдаунға түсірді. Бірнеше секундтан кейін үндістандық боксшы екінші рет нокдаун алып, төреші жекпе-жекті тоқтатты.
Осылайша Бексұлтан Қайратұлы Азия чемпионатының алтын медалін жеңіп алды.
