Уимблдон чемпионы WTA Қорытынды турнирін Канкунда өткізуге қатысты әзілдеді

Уимблдон 2023 чемпионы, әлемнің алтыншы ракеткасы, 24 жастағы чехиялық теннисші Маркета Вондроушова WTA қорытынды турнирін Канкунда (Мексика) өткізуге қатысты әзілдеді, деп хабарлайды Prosports.kz тілшісі Чемпионатқа сілтеме жасап.

Канкунға маусымның үздік теннисшілері жиналды, бірақ стадион 29 қазанда басталатын жарысты қабылдауға әлі дайын емес. Вондроушова Қорытынды турнирге қатысушылардың барлығы құрылысшы ретінде бейнеленген сурет жариялап, осы жағдайға қатысты әзілдеді.

Бұған дейін стадионның жаңа суретін әлемнің бірінші ракеткасы сербиялық Новак Джокович пен канадалық Вашек Поспишил ұйымдастырған Кәсіпқой теннис ойыншылары қауымдастығы (PTPA) әлеуметтік желілерде жариялаған болатын. Алаң айналасы құрылысшылар мен өндірістік бокстармен қоршалған.

Фото: btu.org.ua