Қазақстан құрамасының жартылай қорғаушысы Сербия клубына ауысты

Қазақстан құрамасының жартылай қорғаушысы Сербия клубына ауысты
news-banner7
mobile-news-top

Қазақстан құрамасының жартылай қорғаушысы Александр Зуев мансабын сербиялық «IMT» клубында жалғастырады, деп хабарлайды Prosports.kz сайты.

27 жастағы футболшының соңғы клубы «Крылья Советов» болды. 2023 жылдың жазында оның Самара клубымен келісімшарты аяқталды, содан кейін Зуев еркін агент болды.

Metaratings.ru сайтының хабарлауынша, жартылай қорғаушыға Ресей премьер-лигасы клубтарынан ешқандай ұсыныс түспеген, бірақ оған Түркия клубтары қызығушылық танытқан.

«Крылья Советовқа» ауысқанға дейін Зуев «Спартак», «Ростов», «Рубин» және «Химки» командаларында ойнаған. Ол Ресей чемпионатында 168 матч өткізіп, үш гол соғып, 15 нәтижелі пас берді. 2023 жылдың маусымында жартылай қорғаушының Қазақстан азаматтығын алып, осы елдің ұлттық құрамасында ойнау құқығын алғаны белгілі болды.

Ошибка в тексте? Выделите и нажмите Ctrl+Enter
Пікірлер 0