русский язык
Әлем футболы

Солтүстік Ирландияның бірнеше жетекші футболшысы Қазақстанға қарсы ойынға қатыспайды

Солтүстік Ирландияның бірнеше жетекші футболшысы Қазақстанға қарсы ойынға қатыспайды

Солтүстік Ирландия құрамасы 2024 жылғы Еуропа чемпионатының іріктеу турнирінің Қазақстан құрамасымен сыртта өтетін ойыны алдында құрамға қатысты күрделі мәселелерге тап болды, деп хабарлайды Prosports.kz.

Сонымен, маусым айында шақырылған сегіз ойыншы бұл жолы құрамға ілінбей қалды.

«Уотфорд» қорғаушысы Джамал Льюис, «Ливерпуль» қорғаушысы Конор Брэдли және «Ноттингем Форест» қорғаушысы Аарон Доннелли жарақатына байланысты алаңға шықпайды.

Сондай-ақ, «Лейтон Ориенттің» жартылай қорғаушысы Этан Гэлбрейт, «Ларн» шабуылшысы Ли Бонис, «Вест Хэм Юнайтедтің» шабуылшысы Каллум Маршалл, жартылай қорғаушы Шон Госс (клуб жоқ) және «Портсмуттың» жартылай қорғаушысы Пэдди Лейн жоқ.

Сонымен қатар, Стивен Дэвис (Рейнжерс), Корри Эванс (Сандерленд), Стюарт Даллас (Лидс Юнайтед) және Шейн Фергюсон (Ротерхэм Юнайтед) тәжірибелі жартылай қорғаушылар ұзақ мерзімді жарақаттардан кейін қалпына келтіруді жалғастыруда.

Еске салайық, Қазақстан - Солтүстік Ирландия матчы 10 қыркүйекте Астанада өтеді.

Ошибка в тексте? Выделите и нажмите Ctrl+Enter
Пікірлер
;