Жұмағұлов қазақстандық лигамен келісімшартқа отырды. Гонорары белгілі

Бұрынғы UFC файтері Жалғас Жұмағұлов кәсіпқой ММА-дағы мансабын қайда жалғастыратынын айтты, деп хабарлайды Prosports.kz сайты Legalbet.kz-ке сілтеме жасап.

«Бәрі жақсы, Naiza FC-мен келісімге келдік. Жекпе-жек өтеді. Маған қарсылас іздеп жатыр. Гонорарым қанша болады? Октанонға шыққаным үшін 30 000 доллар, жеңіске жеткенім үшін 30 000 доллар», - деді Жұмағұлов Legalbet.kz сайтына.

Айта кетейік, Жұмағұлов (14-9, UFC-де 1-6) 24 маусымда америкалық Джошу Ваннан жеңілген соң әлемдегі ең беделді ММА промоушенінен кетті.