Евсеев «Челленджер» сериясындағы турнирдің жартылай финалына шықты

Астанада «Челленджер» сериясындағы турнир жалғасып жатыр. Бүгін қазақстандық теннисші Денис Евсеев ширек финалдық кездесуін өткізді, деп хабарлайды Prosports.kz. 

1/4 финалда Евсеев Беларусь өкілі Александр Згировскимен кездесіп, 6-2, 6-4 есебімен жеңіске жетті.

Матч 1 сағат 9 минутқа созылды.

Еске салайық, Евсеев екінші айналымда Израиль өкілі Орел Кимхимен кездесіп, оны 7:5, 6:1 есебімен жеңген болатын.

Фото: Olympic.kz